Jacobo Raposo López, exalumno do noso Centro que está a cursar o último ano de Terapia Ocupacional na UDC, veu impartir un faladoiro a 3º e 4º ESO o 28 de abril.
Salientou a importancia de que cada persoa debe de escoller os estudos que en realidade lle atraian, sen deixarse influír por presións alleas ou por modas. Estudar o que a un lle gusta -dixo- deixa de ser unha tarefa pesada para se converter nunha actividade reconfortante e chea de satisfaccións.
Alumnos e profesores asistentes ao faladoiro puideron comprobar que o noso antigo alumno, efectivamente, está máis que satisfeito co camiño profesional escollido.
Abofé que, con esta motivación, Jacobo logrará o seu soño de chegar a ser un estupendo terapeuta!
